Skattbreytingar Skoða sem PDF skjal Prentvæn útgáfa Senda í tölvupóst

Breytingar á vsk og tekjuskatti.

Á næstu dögum eða vikum má búast við að alþingi samþykki ný lög um virðisaukaskatt og tekjuskatt. Það verður ekki ljóst fyrr en eftir meðferð þingsins hvernig endanleg útfærsla verður. Verði frumvarpið samþykkt óbreytt lítur þetta svona út:

Tekjuskattur verður fjölþrepa og verða tekjuskattprósentur líklega þessar:
  • 24,1% á laun 0-200.000 kr. á mánuði að viðbættu útsvari
  • 27% á tekjur 200.001 – 650.000 kr. á mánuði að viðbættu útsvari
  • 33% á tekjur yfir 650.000 að viðbættu útsvari
Útsvar er 13,1% í flestum tilvikum.

Virðisaukaskattur hækkar

Verulegar breytingar verða gerðar á virðisaukaskatti en almennur virðisaukaskattur verður 25,5% í stað 24,5%. Matvæli verða áfram með 7% virðisaukaskatti, en síðan verður 14% skattur á ýmsar vörur sem nú eru í lægsta þrepi, s.s. hótelgisting, bækur og geisladiskar.

Notendur geta sjálfir sett virðisaukan upp í Stólpanum en með nýrri útgáfu sem kemur út af þessu tilefni fylgir ný virðisaukaskattskýrsla. Nýja útgáfan mun líka innihalda útfærslu á fjölþrepa tekjuskattinum. Þessa uppfærslu verður hægt að sækja af heimasíðu Kerfisþróunar www.stolpi.is þegar þar að kemur.